ဖားကန့်မြို့ ၊ မြို့မရပ်ကွက် ကလပ်ကုန်းမှ စစ်ကောင်စီ၏ ဗျူဟာကုန်းတွင် ယနေ့ ည ၁၀နာရီခန့်မှစ၍ တိုက်ပွဲပြင်းထန်နေကြောင်း ဖားကန့်ဒေသခံများထံမှသိရသည်။
”သေနတ်သံတွေ၊ လက်နက်ကြီးသံတွေ ဆက်တိုက်ကြားနေရတယ်။ ဗျူဟာကုန်းအောက်က အိမ်တွေမှာ ကျည်ဆံခွံ့တွေတောင် ကျတယ်” ဟု ပြည်သူတစ်ဦးကပြောသည်။
တိုက်ပွဲကြောင့် မရှီကထောင်ရပ်ကွက်မှ ပြည်သူအချို့ ကတုတ်ကျင်းအတွင်း ပုန်းအောင်းနေကြောင်း ထိုရပ်ကွက်နေပြည်သူများက ပြောသည်။
ယနေ့ည ၁၀နာရီ ၄၅မိနစ်အထိ တိုက်ပွဲသံများကို ဖားကန့်၊ လုံးခင်း၊ ဆိုင်းတောင်ကျေးရွာများအထိ ကြားနေရကြောင်း ဖားကန့်ဒေသခံများကပြောသည်။
သင့်ထင်မြင်ချက်ရေးပေးပါ