အာဏာသိမ်းစစ်ကောင်စီ၏ သတင်းစာရှင်းလင်းပွဲတွင် ပြန်ကြားရေးတာ၀န်ခံ ဗိုလ်ချုပ်ဇော်မင်းထွန်းအစား တာဝန်ယူဖြေကြားခဲ့သည့် ဗိုလ်ကြီးအေးသဇင်မြင့်ကို ကျောင်းနေဘက်များက လောက်ကောင်အဖြစ်သတ်မှတ်ကြောင်း ယမန်နေ့က စာထုတ်ပြန်ခဲ့သည်။
အသက် ၃၀အရွယ် အမျိုးသမီးဗိုလ်ကြီး အေးသဇင်မြင့်သည် စစ်ကောင်စီ၏ ပြန်ကြားရေးတွင် တာဝန်ယူခဲ့သောကြောင့် သူနှင့်အတူ သတင်းစာပညာတက်ရောက်ပညာသင်ယူခဲ့သည့် အတန်းဖော်များမှ သူ၏ဘွဲ့ကို ပြန်သိမ်းယူရန်လုပ်ဆောင်မည်ဟု ထုတ်ပြန်ချက်တွင်ဖော်ပြထားသည်။
အဆိုပါ ဗိုလ်ကြီးသည် ဗိုလ်တထောင်ကောလိပ်ဟု လူသိများသည့် အမျိုးသားစီမံခန့်ခွဲရေးဒီဂရီကောလိပ်တွင် စာနယ်ဇင်းအထူးပြုဘာသာရပ် အမှတ်စဉ် (၁) ကျောင်းဆင်းဖြစ်သည်။
ထို့နောက် သတင်းထောက်အဖြစ် လေးနှစ်ခွဲခန့်လုပ်ကိုင်ခဲ့ကာ ၂၀၁၄ ခုနှစ် အမျိုးသမီးဗိုလ်သင်တန်းတက်ရောက်ခဲ့ပြီး ထူးချွန်ဆုရရှိခဲ့သည်။
စစ်ကောင်စီပြန်ကြားရေး ဗိုလ်ချုပ်ဇော်မင်းထွန်းနေရာတွင် ဗိုလ်ကြီး အေးသဇင်မြင့်အပြင် အမျိုးသားနှစ်ဦးမှ တာဝန်ယူမည်ဖြစ်ကြောင်း ကနဦးသိရသည်။
သင့်ထင်မြင်ချက်ရေးပေးပါ