ကချင်ပြည်နယ် ဝိုင်းမော်မြို့နယ် မဒိန်ကျေးရွာတွင် ယနေ့ညနေ ၅ နာရီကျော်ခန့်က ခလရ ၅၈ တပ်မှ စစ်သားများ ပစ်ခတ်မှုကြောင့် ဝူယန်မှ အမျိုးသမီးတစ်ဦးသေဆုံးခဲ့ကြောင်းသိရသည်။
စစ်တပ်ရှေ့မှ ဖြတ်သွားသော လင်မယားနှစ်ဦးကို ခ.လ.ရ ၅၈ တပ်မှ ပစ်ခတ်ခဲ့ပြီး အသက် ၃၀ ကျော်အရွယ် အမျိုးသမီး တစ်ဦး သေနတ် ထိမှန် သေဆုံးခဲ့သည်ဟု နီးစပ်သူတစ်ဦးက The 74 Media ကို ပြောသည်။
” ညနေ ၅၈ ကနေကျော်သွားတုန်းက ဖြစ်သွားတာ သူတို့လင်မယားနှစ်ယောက် မှာ အမျိုးသားက လွတ်သွားတယ် အမျိုးသမီးက ရင်ဘတ်မှာ တည့်တည့်ထိသွားတယ်လို့ကြားတယ်” ဟု သူကပြောသည်။
သေနတ်ထိမှန်သေဆုံးခဲ့သော အမျိုးသမီးသည် ဝူယန်ကျေးရွာ ငေါ့ချန်းရပ်ကွက်မှ ဖြစ်ကြောင်းသိရသည်။
ဝိုင်းမော်မြို့ မဒိန်ကျေးရွာအနီးရှိ ခလရ ၅၈ တပ်ရင်းတွင် ဩဂုတ်လ ၃ ရက်နေ့မှစ၍ ပစ်ခတ်မှုများဖြစ်ပွားခဲ့ပြီး တိုက်ပွဲဖြစ်ပွားချိန်တွင် ပြည်သူတစ်ဦး လက်နက်ကြီးစ ထိမှန်သေဆုံးခဲ့သည်။
စစ်ကောင်စီတပ်၏ လက်နက်ကြီး ရမ်းသမ်းပစ်ခတ်မှုကြောင့် ဒေသခံပြည်သူများ မွေးမြူထားသော ဝက်များသေခဲ့ပြီး၊ နေအိမ် ခြောက်အိမ် ထက်မနည်း ထိခိုက်ပျက်စီးခဲ့သည်။
သင့်ထင်မြင်ချက်ရေးပေးပါ