မြစ်ကြီးနားမြို့၊ ရှမ်းစုမြောက်ရပ်ကွက်ရှိ အ.ထ.က (၇) ကျောင်းအနီး ယနေ့ ည ၇ နာရီခွဲခန့်တွင် မိုင်းတစ်လုံးပေါက်ကွဲခဲ့ကြောင်း သိရသည်။
ပေါက်ကွဲချိန်တွင် ကျောင်းအနီးရှိ နေအိမ်များ တုန်ခါသွားကြောင်း လုံခြုံရေးကြောင့် အမည်မဖော်လိုသူ ဒေသခံတစ်ဦးက The 74 Media ကိုပြောသည်။
“အသံမိုင်းတော့ မဟုတ်ဘူး။ ကျောင်းနားမှာနေတဲ့သူတွေဆို ထမင်းစားနေတာ ထမင်းစားပွဲတောင် တုန်သွားတယ်။ ထွက်ကြည့်လို့မရဘူး။ အားလုံးကြောက်ပြီး အခန်းထဲနေနေကြတယ်” ဟုပြောသည်။
လက်ရှိအချိန်တွင် ပေါက်ကွဲသည့်နေရာအနီးတစ်ဝိုက်တွင် စစ်ကောင်စီတပ်ဖွဲ့ဝင်များ အင်အားအများအပြား ရောက်ရှိနေကြောင်း သူကပြောသည်။
ယခုပေါက်ကွဲမှုသည် ကျောင်းဖွင့်သောကြောင့် ပေါက်ကွဲခြင်း ဖြစ်နိုင်ကြောင်း ဒေသခံများက ပြောဆိုနေကြသည်။
စစ်အာဏာသိမ်းပြီးနောက်ပိုင်း မြစ်ကြီးနားမြို့ရှိ ရဲစခန်း၊ ဘဏ်များ၊ စစ်အုပ်စုပိုင် Mytel ရုံး၊ စစ်ဖက်ရေးရာလုံခြုံရေးရုံး(စရဖ)၊ စာသင်ကျောင်းများအနီးတွင် မိုင်းပေါက်ကွဲမှုများဖြစ်ပွားခဲ့သည်။
================
လွတ်လပ်တဲ့သတင်းမီဒီယာအဖြစ် ဆက်လက်ရပ်တည်နိုင်ရန် နည်းများမဆိုလှူဒါန်းနိုင်ပါတယ်။ လှူဒါန်းလိုတယ်ဆိုရင် ဒီလင့်ခ်ကို နှိပ်ပါ – https://bit.ly/3vPLY7e