နာမည်ကြီးရောခ့်တီးဝိုင်း Idiots အဖွဲ့မှ အဆိုတော် ရေမွန် ယနေ့ကွယ်လွန်သွားပြီဖြစ်ကြောင်း သူ၏ Idiots အဖွဲ့က အတည်ပြုကြောင်း ၎င်းတို့၏ဖေ့စ်ဘုတ်လူမှုကွန်ရက်စာမျက်နှာတွင် ထုတ်ပြန်ထားသည်။
“မျှော်လင့်မထားတဲ့ သတင်းဆိုးတစ်ခုကို ကျွန်တော်တို့ကြုံလိုက်ရပီဗျာ။ ကျွန်တော်တို့ရဲ့ Raymond ဘဝတစ်ပါးသို့ကူးပြောင်းသွားပါပီ။ စိတ်ထားကောင်းတဲ့Raymond… ကောင်းမွန်တဲ့ဘုံဘဝရောက်မှာပါ သူငယ်ချင်း ” ဟုရေးသားထားခြင်းဖြစ်သည်။
ရေမွန်သည် ဆုလာဒ်၊ ဝမ်းနည်းတက်တဲ့ချစ်သူ၊ ချန်ခဲ့၊ သုံ့ပန်း၊ မင်းနဲ့နီးဖို့၊ တွေ့ရတဲ့အတွက်ဝမ်းသာတယ်၊ ငါသေလို့ရတယ်၊ နောက်ကျော စသည့် သီချင်းများနှင့် အောင်မြင်မှုကိုပိုင်ဆိုင်ထားသူဖြစ်သည်။
ရေမွန် ကွယ်လွန်သွားသောကြောင့် အနုပညာအသိုင်းအဝိုင်းက ၎င်းတို့၏ လူမူကွန်ယက်စာမျက်နှာတွင် ဝမ်းနည်းကြောင်းရေးသားထားကြသည်။
Photo : Credit
သင့်ထင်မြင်ချက်ရေးပေးပါ