Truth, Insight, Independence
စစ်ကောင်စီအရာရှိများ လာရောက်စစ်ဆေးမည်ဖြစ်သောကြောင့် ပန်ဝါမြို့ရှိ မြေရှားသတ္တုတူးဖော်နေသည့် လုပ်ကွက်များကို ပိတ်သိမ်းပြီး သစ်ကိုင်းသစ်ရွက်များဖြင့် လိုက်လံဖုံးအုပ်ရန် ညွှန်ကြားခဲ့ကြောင်း သိရသည်။
သစ်ခိုးထုတ်နေသောစစ်ကောင်စီတပ်ဖွဲ့ဝင်များကို ယင်းမာပင်မြို့တွင် ယမန်နေ့ နံနက် ၈ နာရီခန့်က ပြည်သူ့ကာကွယ်ရေးပူးပေါင်းတပ်တို့တိုက်ခိုက်သဖြင့် စစ်ကောင်စီတပ်ဖွဲ့ဝင် ငါးဦးသေဆုံးသွားကြောင်းသိရသည်။
တော်လှန်ရေးရဲဘော်များအနေဖြင့် စစ်အာဏာရှင်ကိုတော်လှန်ရင်း အာဏာရှင်များ၏ အမူအကျင့်နှင့် အတွေးအခေါ်များ ဝင်လာပါက ပြတ်ပြတ်သားသား ဖယ်ထုတ်ရမည်ဟု ပြည်သူ့ခုခံတော်လှန်စစ်ကြေညာခြင်း (၂) ပြည့်တွင် ယာယီသမ္မတ ဒူဝါလရှီးလက ပြောကြားခဲ့သည်။
စစ်ကောင်စီတပ်ဖွဲ့ဝင်များနှင့် ပျူစောထီးအဖွဲ့ဝင်များ တပ်စွဲထားသော လျှပ်စစ်ရုံးကို ယမန်နေ့က မင်းကင်းမြို့နယ်ရှိ ပြည်သူ့ကာကွယ်ရေးတပ်ဖွဲ့ဝင်များ ဝင်ရောက်တိုက်ခိုက်ခဲ့ရာ လက်နက်ခဲယမ်းအချို့ သိမ်းဆည်းရမိခဲ့ကြောင်းသိရသည်။ မင်းကင်းမြို့အဝင် လမ်းဆုံရှိ EPC ရုံးကို ဝင်ရောက်တိုက်ခိုက်ခဲ့ခြင်းဖြစ်ပြီး...
ကချင်ပြည်နယ် ရွှေကူမြို့ရှိ အထွေထွေအုပ်ချုပ်ရေမှူးရုံး ယနေ့ နံနက် ၁၁ နာရီခန့်က ဒရုန်းဖြင့် တိုက်ခိုက်ခံခဲ့ရသောကြောင့် ထိခိုက်ဒဏ်ရာရရှိသူများရှိကြောင်း သိရသည်။
လေပြင်းတိုက်ခိုက်ချိန် သစ်ပင်လှဲကျခဲ့သောကြောင့် ယမန်နေ့ည ၁၀ နာရီခွဲခန့်က မိုးမောက်မြို့နယ်တွင် ကချင်လွတ်မြောက်ရေးတပ် (KIA) တပ်ဖွဲ့ဝင်တစ်ဦး သေဆုံးခဲ့ကြောင်း သိရသည်။
စစ်ကောင်စီစစ်ကြောင်းထိုးရန် ပြင်ဆင်နေသောကြောင့်ဟုဆိုကာ ယနေ့နံနက်မှစတင်ကာ မိုးမောက်မြို့ရှိ တာပိန်ချောင်းကူးတံတားကို ဖြတ်သန်းသွားလာခွင့် ပိတ်ထားပြီး အနီးပတ်ဝန်းကျင်ရှိကျေးရွာများကို လက်နက်ကြီးရမ်းသမ်းပစ်ခတ်နေကြောင်း သိရသည်။
မိဘမဲ့ဂေဟာကမှ ကိုးတန်းကျောင်းသူတစ်ဦး သူငယ်ချင်းဖြစ်သူနှင့်အတူ အပြင်ထွက်သွားရာမှ ပြန်လည်ရောက်ရှိလာခြင်းမရှိဘဲ ပျောက်ဆုံးနေသည်မှာ ဆယ်ရက်ခန့်ရှိပြီဖြစ်ကြောင်း သိရသည်။
မြစ်ကြီးနားမြို့၊ တပ်ကုန်းရပ်ကွက်ရှိ အိမ်ဆောက်သည့်လုပ်ငန်းခွင်တွင် စက်တင်ဘာလ (၁) ရက်နေ့က ရေနစ်သေဆုံးသည့် ကလေးနှစ်ဦး၏အမှုကို ငွေကျပ်သိန်း ၂၀၀ ဖြင့် ကျေအေးလိုက်ကြောင်း သိရသည်။
မိုင်းမတော်တဆမှုကြောင့် ယနေ့ နံနက် ၉ နာရီခန့်က ယင်းမာပင်မြို့ခရိုင် တပ်ရင်း (၂၁) မှ ဒုတပ်စိတ်မှူးကျဆုံးခဲ့ကြောင်း သိရသည်။
ရွှေကူမြို့နယ်၊ အမှတ် ၃ ရပ်ကွက်ရှိ မြို့မရဲစခန်းကို ယနေ့နံနက် ၇ နာရီခန့်က မောင်းသူမဲ့ယာဉ်ငယ်ပေါ်မှ ဗုံးသုံးလုံးထက်မနည်းဖြင့် ပစ်ခတ်တိုက်ခိုက်ခံခဲ့ရကြောင်း သိရသည်။
ကရင်နီပြည်တော်လှန်ရေးတပ်ပေါင်းစုနှင့် စစ်ကောင်စီတပ်တို့ ဒီးမော့ဆိုမြို့နယ်တွင် ကိုးနာရီကျော်ကြာ ဖြစ်ပွားခဲ့သောတိုက်ပွဲအတွင်း စစ်ကောင်စီတပ်ဖွဲ့ဝင် ၃၀ ကျော်သေဆုံးကြောင်း ကရင်နီပြည် တော်လှန်ရေးတပ်ပေါင်းစုက ယနေ့နေ့စွဲဖြင့် ထုတ်ပြန်ထားသည်။