ရှမ်းပြည်နယ်မြောက်ပိုင်း သိန္နီမြို့နယ် လွယ်ဒေါင်ကျေးရွာ နားကျီးနှင့် နမ့်ဆလပ် အနီးတွင် ယမန်နေ့ ဇူလိုင်လ ၂၄ ရက်နေ့က စစ်ကောင်စီတပ် တပ်မ (၉၉) နှင့် ကချင်လွတ်မြောက်ရေးတပ် (KIA) တို့ တိုက်ပွဲဖြစ်ပွားခဲ့ကြောင်း သိရသည်။
စစ်ကောင်စီတပ် တပ်မ (၉၉) တို့သည် ကေအိုင်အေ တပ်မဟာ ၁၀ တပ်ရင်း ၁၇ ထိန်းချုပ်နယ်မြေသို့ စစ်ရေးလှုပ်ရှားမှုများပြုလုပ်လာသောကြောင့် ၁ နာရီခွဲခန့်ကြာ တိုက်ပွဲဖြစ်ပွားခဲ့ခြင်းဖြစ်သည်။
လွယ်ဒေါင်ကျေးရွာအနီး နောင်ဆမ်ဘူးတွင်လည်း စစ်ကောင်စီတပ် တပ်မ (၉၉) နှင့် MNDAA တပ်ရင်း (၂၀၅) တို့ကြား တိုက်ပွဲဖြစ်ခဲ့ကြောင်းသိရသည်။
လွယ်ဒေါင်ကျေးရွာ ဘန်လွယ်ငင်းတွင်လည်း ဇူလိုင် ၂၄ ရက်နေ့ ညနေ ၅ နာရီခွဲခန့်၌ စစ်ကောင်စီတပ် ခမရ(၄၂၀) တပ်သည် MNDAA တို့ရှိရာဘက် စစ်ကြောင်းချီတက်လာသောကြောင့် ကြားဖြတ်တိုက်ခိုက်ခဲ့ရာမှ တိုက်ပွဲပြင်းထန်စွာ ဖြစ်ပွားခဲ့ကြောင်းသိရသည်။
Ref: The Kachin Net
Photo credit – Arturo Rodriguez
သင့်ထင်မြင်ချက်ရေးပေးပါ