ဝိုင်းမော်မြို့ ရောင်စုံလူငယ်များအဖွဲ့(CYG)သို့ အလှူငွေ ၂၃၂၅၀၀၀ ကျပ်ကို အမည်မဖော်လိုသူတစ်ဦးမှ လှူဒါန်းပေးခဲ့သည်။
လက်ခံရရှိသော အလှူငွေများကို CDM ဝန်ထမ်းများနှင့် အခြားလိုအပ်သောနေရာများတွင် သွားရောက်လှူဒါန်းသွားမည်ဟု သိရသည်။
ဖားကန့်အောင်ဘာလေကျေးရွာအနီး တိုက်ပွဲ ပြင်းထန်နေ
ဖားကန့်မြို့နယ် အောင်ဘာလေကျေးရွာအနီး ကေအိုင်အေနှင့် စစ်ကောင်စီတပ်များ ယနေ့ညနေ တိုက်ပွဲအပြင်းအထန် ဖြစ်ပွါးနေသည်။
ဖက်ဒရယ်စနစ်သည် ခွဲထွက်ခြင်းမဟုတ်ဘဲ ပေါင်းစည်းခြင်းသာဖြစ်သည်ဟု သယံဇာတဝန်ကြီးပြော
အမျိုးသားညီညွတ်ရေးအစိုးရ NUG ၏ သယံဇာတနှင့် သဘာဝ ပတ်ဝန်းကျင်ထိန်းသိမ်းရေး ပြည်ထောင်စုဝန်ကြီး ဒေါက်တာတူးခေါင်က ဖက်ဒရယ်စနစ်သည် ခွဲထွက်ခြင်းမဟုတ်ဘဲ ပေါင်းစည်းခြင်းသာဖြစ်သည်ဟု သူ၏ လူမှုကွန်ယက်စာမျက်နှာမှ တစ်ဆင့် ပြောကြားလိုက်သည်။
မိုးကုတ်မြို့မှ ပြောက်ကျားသပိတ်စစ်ကြောင်း ဖြိုခွင်းခံရ
မိုးကုတ်မြို့မှ စစ်အာဏာရှင်ဆန့်ကျင်ရေး ပြောက်ကျားသပိတ်စစ်ကြောင်းသည် ယနေ့ နေ့လည် ၁၂နာရီဝန်းကျင်က အောင်ချမ်းသာရပ်ကွက်အရောက်တွင် ဖြိုခွင်းခံလိုက်ရကြောင်းသိရသည်။